बाजुराका उच्च भुभागमा हिजो राति देखि भारी हिमपात भएको छ । हिमपात र पानी परेपछि बाजुराको जनजिवन नराम्ररी प्रभावित भएको छ भने सदरमुकामबाट उत्तरीक्षेत्रमा पर्ने ११ गाविसमा हिमपातले आवत जावत समेत बन्द भएको छ।
सदरमुकाम देखि त्यस क्षेत्रमा जाने मुल बाटो पोरखेलेकमा अध्यधिक मात्रामा हिमपात भइरहेको र छ फिट भन्दा बढी हिम बाटोमा जमिसकेकाले आवतजावत बन्द भएको हो । सदरमुकाम नजिक सम्मको हिमपातले अत्यधिक चिसो बढेकाले सरकारी कार्यालयको काम समेत प्रभावित भएको छ ।
बाजुरामा संचालन भएको हातिपाइले रोग निवारणकार्यक्रम समेत प्रभावित भएको स्वास्थ्यकर्मीले बताएका छन । वितरण बजारको व्यवसाय समेत प्रभावित बनेको छ । सरदमुकाम सम्म चल्ने ट्याक्टर समेत बन्द भएका छन । चिसोले सदरमुकामको चहल पहल घटेको छ ।
चिसोल अधिकाँस विद्यालयको पढाइ समेत प्रभावित भएको छ । पोरखे लेखमा यति खेर ६ फिटबढी बाक्लो हिउ“ जमेको स्थानीयले बताएका छन । हिमपातको चिसोले जिल्लाका उच्च भागमा पर्ने विच्छ्या,“ रुगीन, दहकोट मातडी, मानकोट,आटिचौर, पाण्डुसैन र कैलाशमाण्डौ गाविसका अधिकांस गाउ“को जनजिवन कस्टकर भएको छ जसम महिला बालबालिका बढी प्रमावित बनेका छन ।
महिनाबारी हुदा गोठमा बस्न पर्ने छाउपडी महिलालाई चिसोले सास्ती व्यहोर्नु परेको छ । महिलाबारी हुदा घरबाहिर बस्नपर्ने र दिनहु नहानु पर्ने भएकाले महिलाले यो पिडा सहनगर्न बाध्यता भएको छ । हिउँले सदरमुकाम वरीपरीका डाँडाकाँडा सेताम्य बनेका छन । सरदमुकामबाट उत्तरका ११ गाविसमा जाने दैनिकउपभोग्य बस्तु तथा अन्य दैनिक कामहरु ठप्प बनेको छ । । चिसोका कारण जिल्लामा जरो र रुगाखोकीका विरामीको संख्या बढेको स्वास्थ्य कर्मीले बताएका छन ।
